Күздің берекелі шағын бірге қарсы алайық!
25 қыркүйек күні сағат 14:00-де мектебімізде дәстүрлі «Күзгі асар» жәрмеңкесі өтеді!
Жәрмеңкеде күзгі өнімдер, үй тағамдары, тәттілер мен түрлі дәмділер ұсынылады. Оқушыларымызды, ата-аналарымызды және мектеп ұжымын белсенді қатысуға шақырамыз!
Жәрмеңкеге қатысушыларға маңызды ескерту: балалардың қауіпсіздігі мен санитариялық талаптарды сақтау мақсатында мектеп аумағында сатуға тыйым салынған өнімдерді әкелуге болмайды.
Кремі бар кондитерлік өнімдер; майонез немесе қаймақ қосылған күрделі салаттар; саңырауқұлақ тағамдары; фритюрде қуырылған өнімдер; гамбургер, хот-дог, пицца, наггетс; чипсы, дәмдеуіш қосылған кептірілген нан өнімдері; газдалған және энергетикалық сусындар; кетчуп, ащы тұздықтар мен ащы дәмдеуіштер.
Бұл талаптар білім беру ұйымдарындағы балалардың тамақтану қауіпсіздігіне қатысты қолданыстағы санитариялық талаптарға негізделген.
«Күзгі асар» – береке, бірлік және мейірім мерекесі! Баршаңызды жәрмеңкеден күтеміз!
Өтетін орны: мектеп ауласы. Уақыты: 25 қыркүйек, 14:00.
